Ministrja e Jashtme Olta Xhaçka hodhi poshtë sot dekleratën e Putin se në Ukrainë po luftojnë mercenarë shqiptarë.
”Nuk ka mercenarë shqiptarë në Ukrainë! Kjo është një gënjeshtër që Moska vazhdon ta përsërisë pa turp! Shqipëria qëndron me Ukrainën dhe do të vazhdojë të punojë me të gjithë aleatët dhe partnerët për të ndihmuar në përfundimin e agresionit të paprovokuar të Rusisë ndaj popullit të Ukrainës. Zoti i bekoftë ata”, tha ministrja Xhaçka sot pasdite përmes një postimi në rrjete sociale.
Në lidhje me këtë ka reaguar edhe ambasadorja amerikane në Tiranë, Yuri Kim e cila përveçse ka ripostuar mesazhin e Xhaçkës shton se deklarata e Putin është gënjeshtër për të hequr vëmëndjen nga e vërteta.
“Fushata ruse e dezinformimit është në mbingarkesë. Këto janë gënjeshtra të krijuara për të mbjellë dyshime dhe për të hequr vëmendjen nga e vërteta, që është se Rusia ka pushtuar Ukrainën, se Rusia është e përfshirë në një sulm të paramenduar, të paprovokuar, të pajustifikueshëm ndaj një kombi tjetër sovran”, deklaron Kim.
