Lideri demokrat Sali Berisha zhvilloi takime sot në Ish-Kënetë dhe Shinovlash në Durrës, ku prezantoi kandidatin e Shtëpisë së Lirisë Ardian Mukën.
Në bisedë me banorët Berisha theksoi se qeveria është e zhytur deri në fyt me skandale korrupsioni. Ai shtoi se vetëm kur qeveria të vjedhë shpirtrat e shqiptarëve, ateherë do vjedhë edhe Durrësin.
”Kur të vjedhin shpirtrat tanë, do mund ta vjedhin Durrësin. Ftoj demokratët e Durrësit që të mos mashtrohen nga Lul Brava. Dua të them para qytetarëve se Luan Hoti është kopje e Bashës. Luan Hoti ka monopolin e shërbimeve portuale nga Saranda në Shëngjin.
Monopolet njëherë janë të ndaluara me ligj, sepse është korrupsion, nuk lejohet që të jepet, si doli Rama kaq zemërmadh dhe ia dha këtij ‘demokrati’? Por të jeni të sigurt që pa një valixhe me para, nuk ia ka dhënë monopolin. Ndaj Luan Hoti nuk ke të drejtë që të flasësh para demokratëve, sepse për shkak të koncensioneve po ikën rinia. Data 6 mars është për ndryshim thelbësor e do të fitojë Shtëpia e Lirisë dhe Ardian Muka”, deklaroi Berisha. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
