Gjykata Kushtetuese vendosi të refuzojë mazhorancën mujshare. Kërkesa për të shkarkuar Presidentin e Republikës u refuzua si pa bazë, pa thelb dhe pa argument. Një vendim i drejtë e korrekt që duhet përshëndetur, thekson në një koment të tij anëtari i Komisionit të Rithemelimit, Genc Pollo.
Komenti i Pollos:
Raporti 92 faqesh i dyshes Rama-Balla, i miratuar në plenare në qershorin e shkuar nga mazhoranca rilindisto-jeniçere, ishte një paçavure pseudojuridike. Pa arsyetim ligjor por plot me nota fejtoneske. Prandaj profesionalisht rrëzimi i saj do të ishte gjë e thjeshtë.
Por gjyqtarët kushtetues që votuan pro vendimit të shpallur meritojnë konsideratë e respekt sepse i rezistuan presionit të shumanshëm të qeverisë. Përmes këtij vendimi ata ruajnë, aq sa është e mundur, ballancat kushtetuese të Republikës si dhe krijuan një precedent pozitiv për to.
Ndër të tjera uroj të mos kemi më opozita jeniçere që mundësojnë palaçollëqe të tilla siç kemi parë vjet e sivjet. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
