Ish kryeministri Sali Berisha mbajti një fjalë sot në Dibër në prezantimin e kandidatit të ‘Shtëpisë së Lirisë’, Premtim Kryemadhi.
“Kam nder të madh që jam sot ketu për të paraqitur njërin nga bijtë tuaj, mësuasin e fëmijëve tuaj, zyrtarin e dnershëm, Premtim Kryemadhin, i cili mishëron krenarisht virtytet tuaja, ndershmërine dhe dashurin e pakufij për ju dhe Dibrën. Të dashur miq në këto zgjedhje përballja është e madhe, me të vertët përballet e shkuara ,përballet shteti i bazuar ne mafia dhe droge, përballet narkoshteti që nuk njeh dhe s’respekton votën. Përballet arroganca e një njeriu që ka trasheguar psikologjinë më të keqe të eterve të tij”, tha Berisha.
Në vijim Berisha komentoi projektin e Skavicës duke qënë kritik me të.
”Po as Dibra nuk është përjashtuar, do të zhvendosë fshatra, shkolla, varreza. Të varrosë historinë e madhe të Dibrës! Nuk përmbytet kurrë Dibra! Në vitin 2005 Nano kishte firmosur me një kompani të madhe italiane, kontratën për ndërtimin e Skavicës, erdhi kompania dhe I thashë nuk e pranoj.
Nuk pranoja dot përmbytjen e tokave të Dibrës, por italiani ishte serioz dhe megjithëse kishte bërë kontratën me kryeministrin, më dha të drejtë.
Hajde të shtojmë prodhimin me burime të tjera. Kandidati i Ramës të dalë e të japë llogari njëherë”, tha Berisha.
