Ka humbur jetën gazetari dhe operatori i njohur i RTSH, Ilir Buçpapaj. Lajmi është bërë i njohur nga familjarët e tij. Mësohet se kohët e fundit Iliri i kaloi në Nju Jork ku edhe dha shpirt.
”Me dhimbje te madhe morem lajmin se Ilir Xhemajl Bucpapaj, shoku me i afert i jetes, vellai i zemres, frymezuesi e bashkepunetori im ne art e shkrime, sot na la fizikisht, shkoi prane Zotit.
Per familjen por edhe per te gjithe ata qe e njohen, takuan apo bashkepunuan eshte nje humbje e madhe.
Do me mungosh pamase Ilir”, shkruan i vëllai, Halil Buçpapaj, po ashtu gazetar i njohur.
Ndërkaq drejtori i Gazetës së Alpeve, Ramiz Lushaj e konsideron këtë lajm shumë të hidhur.
”Lajm që nuk deshja ta percillja kurrëëë:
Sot ndrroi jetë në Nju Jork të Amerikës, regjisori, skenaristi e kameramani i RTPSH, ILIR BUCPAPAJ, mjeshtër i shquar i ekranit dhe i penës.
Varrimi, sipas amanetit të tij, do të bahet në vendlindje, në Tpla të Krasniqes të Tropojës.
I paharruem emri e vepra e Ilir BUCPAPAJT!
Ngushëllime Familjes së Tij, Vllaznisë Bucpapaj, gjithë të afërmëve të tij. RTPSH, Tropojës tonë e të gjithë atyre që e njohën gjatë jetës e aktivitetit të tij të jashtëzakonshëm, monumental”, shkruan Lushaj.
Me dhimbje e ka pritur ndarjen nga jeta të Ilirit edhe poeti Hamit Aliaj.
“Fort po shndrit ai diell, e pak po nxe,
Borë e madhe ka ra sivjet,
Randojnë ahat për me u thye..”
……..
Sa qejf i kishe këto vargje të Epikës legjendare, shoku dhe sivëllai im , Ilir Buçpapaj, që na vetmove këtë të djelë të trishtë janari ! Katër vjet bashkë në të njëjtën dhomë studentore, 50 vjet bashkë në Tropojë, në Kosovë, Shkup, Plavë e Guci, Tiranë e në udhëtimet në Nju Jork! Si askush tjetër , ti përjetësove në dokumentarët tu në TVSh, pejsazhet dhe ngjarjet historike të Arbërisë. Të cilësuan “ Njeriu i majëmaleve shqiptare” dhe i tillë do mbetesh përherë !
Na ngrive fjalën, i paharruari ynë!”, shkruan Aliaj në rrjetet sociale. a.b
