Omicron bën namin, Komiteti teknik i Ekspertëve nuk ndryshon masat e mbrojtjes

Komiteti Teknik i Ekspertëve nuk ka ndryshuar masat e mbrojtjes nga covid në Shqipëri. Në një konferencë për mediat u bë  ditur se Komiteti dot ë ruja ëtë njëjtat masa si më parë.

Java e fundit ka shënuar një rritje rekord infektimesh, mbi 2000 raste në ditë, numri më i madh i infektimeve që nga fillimi i pandemisë në vendin tonë.

“ Shkollat 9-vjeçare dhe universitetet nuk do të mbyllen edhe në këtë periudhë të rritjeve të rasteve”, tha zv.ministrja e Shëndetësisë, Mira Rakacolli.

Shefja e departamentit të epidemiologjisë në ISHP, Silva Bino, deklaroi se këtë javë është shtuar ritmi i vaksinimeve në të gjithë vendin. 52.7% e popullsisë janë vaksinuar me një dozë, 47.3% me 2 doza, 7.7% me 3 doza.

Aktualisht në spitalet Covid janë të shtruar 130 pacientë, 12% prej tyre janë në formë kritike, të tjerë në gjendje të rëndë. Najada Çomo deklaroi se shumica e pacientëve janë të moshave të reja, të gjithë të pavaksinuar ndërkohë që grave shtatzëna infektimi më covid u ka shkaktuar lindje të parakohshme.

Lista e masave që janë në fuqi

-​Ora policore: 23:00 – 06:00.

-​Vijon që qytetarët që hyjnë në Republikën e Shqipërisë, nga të gjitha pikat kufitare apo ata që kalojnë tranzit, duhet të vijojnë të dorëzojnë një nga dokumentet e mëposhtme:

• ​Pasaportë vaksinimi, ku data e vaksinës së fundit të ketë të paktën dy javë e aplikuar nga data e hyrjes në kufi.
• ​Test PCR, të kryer brenda 72 orëve ose testin e shpejtë antigenic brenda 48 orëve të hyrjes në kufi.
• ​Provë të kalimit të infeksionit Sars-Cov-2 të vlefshme deri në 6 muaj pas shërimit.
• ​Përjashtim nga rregullat e përcaktuara në pikën 2, bëhet për fëmijët deri në moshën 6 vjeç.
• ​Qytetarët rezidentë të Republikës së Shqipërisë dhe që nuk kanë asnjë nga dokumentet e përmendura në pikën 1, duhet të vetë izolohen për një periudhë 10 ditore dhe të informojnë autoritetet shëndetësore për të kryer një test në fund të periudhës së izolimit.

Vijon të jetë në fuqi:

-​Në strukturën e aerorporteve do të lejohen të hyjnë vetëm pasagjerët që udhëtojnë, të cilët duhet të zbatojnë me rigorozitet mbajtjen e maskës ashtu sic është rekomanduar sipas protokollit të ndryshuar.

-​Moslejimi i hyrjes së familjarëve për personat që janë të shtruar.

-​Përdorimi i maskave në ambiente të mbyllura, në qendra tregtare, supermarkete, dyqane etj, e në të gjithë ato vende ku nuk sigurohet distancimi fizik.

-​Lejimi i grumbullimeve deri në 50 persona dhe të aktiviteteve kulturore, sportive etj deri në 30% të kapaciteteve të tyre me prezencë të spektatorëve.a.b

/DRONI.al/