Pasi ka përfunduar studimet në Universitet e ka pasur mjaft të vështirë për të gjetur një punë në profesionin e saj, ashtu siç në fakt ndodh rëndom. Por ama nuk është stepur, ka nisur punë duke hapur një biznes të sajin dhe ia ka dalë. Pas pak muajsh është angazhuar edhe në një media, dhe ka nisur punë sigurisht në profesionin e saj, ndërkohë që mban edhe biznesin që ka ngritur më herët. Këshillat dhe përvoja e saj mund të vlejnë për të gjithë ju, sidomos për ju që sapo jeni diplomuar…
“Në ditët e sotme kur në Shqipërinë tonë është e vështirë për tu sistemuar në punë disa këshilla na hyjnë në punë për të gjetur një zgjidhje. Unë dua të jap një këshillë, që të rinjtë të punësohen apo vetëpunësohen duke hapur një biznes, sipas rastit nëse është e pamundur për të qenë i madh, po aq i suksesshëm do të ishte edhe nëse i futeni punës për të hapur një biznes të vogël. Kështu duhet të veprosh kur gjendesh përball një shteti dhe administrate e cila të punëson vetëm nëse ke qenë dhe ke punuar për një kohë të caktuar në partitë politike të cilat janë në pushtet. E po ashtu kur ke përball biznese apo kompani private të cilave nuk ju intereson aspak ana juaj profesionale e rezultatet e mira me të cilën kini mbyllur shkollën, por të punesojnë vetëm nëse ke njohje me pronarin apo drejtorin.
Për tu shpetuar këtyre, zgjidhje shumë e mirë në cdo rast është të hapësh biznesin tënd. E kjo nuk kërkon ndonjë filozofi të madhe, por po ju tregoj përvojën time.
Kur mbarova studimet për Master Shkencor në Gazetari dhe Komunikim, nisa që të kërkoja për një vend pune në të gjitha kompanitë mediatike, ku dëgjoja se kishte vende vakante, por të gjitha përpjekjet më rezultuan të kota, edhe pse kisha një eksperiencë në dy televizione prestigjioze në vend. Kështu vendosa të marr një biznes. Si fillim planifikova kapitalin që do të investoja, i cili normalisht nuk mund të ishte shumë i lartë. Më pas gjeta vendin dhe idealja është të merrni biznese te cilat janë të ngritura, pra që do të thotë biznese që të kenë klientelën e ngritur. Si përfundim gjeta kështu një dyqan i cili shitej si biznes, me gjithë mallin brenda, pra qe të merrje godinën duhet ta merrje me gjithë produktet që ajo përmbante. Pra qe të merrje me qera hapësirën, duhet ta merrje atë me gjithë produktet që ajo përmbante. Arritëm në një marrëveshje me pronarin dhe kështu nisa punën…Kisha vetëm tre ditë kohë që të vlerësoja nëse ky hap që po merrja ja vlente apo jo. Risk i madh ishte ta merrje përsipër.
Nga prova konstatova disa gjëra me rëndësi dhe që do ju këshilloja ti kini parasysh për cfardolloj inisiative të tillë që do të merrni. Së pari dyqani kishte klientelën e ngritur, pra një grup klientesh të perhershëm qe interesoheshin për mallin e tij. Së dyti ishte në një pozicion të mire si vendndodhje, në një nga rruget kryesore të kryeqyteti. Së treti malli që kishte brenda ishte me cmime shumë te mira, që do të thotë me cmime të ulëta e që janë fikse për në ketë kohë krize. Të gjitha këto më bën të merrja vendimin lidhur me këtë biznes.
Sot pas dy vitesh unë kam filluar punë si gazetare në një media, por të ardhurat më të larta normalisht që mi siguron dyqani. Kështu edhe juve ju duhet pak, kapital (të cili mund ta siguroni edhe nëpërmjet kredive studentore), inisiativë, guxim dhe punë pasi vetëm kështu ja del në ditët e sotme të cilat janë bërë të vështira për të siguruar të ardhura”.
Nga Gerta Zaimaj
