Ne foto, gjyqtare dhe prokurore ne konferencen gjyqesore disa vite me pare
Është prezantuar sot një projekt për hartë të re gjyqësore në Shqipëri e cila synon centralizimin e gjyqësorit në fare pak gjykata në përpjekje për të rishpërndarë në mënyurë sa më proporcionale një sasi prej disa dhjetra mijëra dosjesh ende të patrajtuara nga gjyqësori.
Harta e re parashikon 12 gjykata të shkallës së parë dhe 1 gjykatë apeli ku përfshihet edhe ajo administrative, e ndarë në 2 dhoma. Ndërsa mbeten vetëm dy gjykata të shkallës së parë administrative në Lushnjë dhe në Tiranë nga 6 që ishin gjithsej.
Projekti parashikon kështu shkrirjen e 10 gjykatave të shkallës së parë: Tropoja, Puka, Mati, Kruja, Kavaja, Lushnja, Përmeti, Saranda, Pogradeci, Kurbini; shkrirjen në një të 6 gjykatave të Apelit duke arritur si përfundim nga 36 gjykata që janë aktualisht të ngelen 15.
Gjykatat e propozuara të shkallës së parë të juridiksionit të përgjithshëm:
Gjykata e Shkallës së Parë e Juridiksionit të Përgjithshëm Berat
Gjykata e Shkallës së Parë e Juridiksionit të Përgjithshëm Elbasan
Gjykata e Shkallës së Parë e Juridiksionit të Përgjithshëm Tiranë
Gjykata e Shkallës së Parë e Juridiksionit të Përgjithshëm Vlorë
Gjykata e Shkallës së Parë e Juridiksionit të Përgjithshëm Dibër (bashkuar me Gjykatën e Matit)
Gjykata e Shkallës së Parë e Juridiksionit të Përgjithshëm Durrës(bashkuar me gjykatat e Kavajës dhe Krujës)
Gjykata e Shkallës së Parë e Juridiksionit të Përgjithshëm Fier (bashkuar me Gjykatën e Lushnjës)
Gjykata e Shkallës së Parë e Juridiksionit të Përgjithshëm Gjirokastër (bashkuar me gjykatat e Sarandës dhe Përmetit)
Gjykata e Shkallës së Parë e Juridiksionit të Përgjithshëm Kukës (bashkuar me Gjykatën e Tropojës)
Gjykata e Shkallës së Parë e Juridiksionit të Përgjithshëm Korçë (bashkuar me Gjykatën e Pogradecit)
Gjykata e Shkallës së Parë e Juridiksionit të Përgjithshëm Lezhë (bashkuar me Gjykatën e Kurbinit)
Gjykata e Shkallës së Parë e Juridiksionit të Përgjithshëm Shkodër (bashkuar me Gjykatën e Pukës)
