Berisha mban foltoren në Kuçovë, fton të gjithë delegatët t’i bashkohen kuvendit të 11 dhjetorit

Ish-kryeministri, Sali Berisha mbajti sot foltoren e tij në Kuçovë ndërsa ftoi gjithë delegatët të mblidhen në kuvendin e PD më 11 dhjetor.

“11 dhjetori është një ditë e historisë ndaj dhe unë me këtë rast ftoj cdo delegate edhe delegate të Kuvendit Kombëtar të vijë e të firmosë historinë e re të pluralizmit, partinë Demorkatike të rithemeleuar. Ftoj cdo demokrat dhe delegate të mos shkojë, të braktisë anti-kuvendin e datës 18, de facto mbledhjen e krimit të shoqatës Basha-Bardhi në një akt të turpshëm për të sfiduar pluralizmin politik në Shqipëri. Të gjithë e patë sesi e mblodhi kryesinë peng Basha dhe deklaroi se ai do thërriste kuvendin legjitim. Mirëpo sapo u mblodh kryesia doli se nuk ishte legjitime, 60% e anëtarëve të tyre nuk ishin të votuar nga anëtarët e PD”, deklaroi Berisha.

Gjatë foltoresh në qytetin e Kuçovës, ish kryeministri, Sali Berisha ka komentuar rezultatet e një sondazhi të kryer ku sipas shifrave të bëra publike nga vetë ai, kreu aktual i PD, Lulzim Basha ishte më i pëlqyer nga rradhët e socialistëve sesa nga demokratët.

”Votuesit socialistë janë shprehur se 14% prej tyre ndiheshin më afër me Berishën, ndërsa 66 % e demokratëve kanë thënë se ndiheshin më afër me mua.

30% e socialistëve ndihen afër me peng Bashën. Por sa demokratë? Gjithsej 24.9%. Pra më së shumti ndiheshin afër socialistët sesa demokratët me peng Bashën.

Në anëtarësinë e PD, vetëm 7.5% e tyre ndihen afër me të. Deri në datën 18 do të mbeten 0.0% aq sa duhen për një anëtar shoqate”, tha Berisha.

Pasi Berisha publikoi shifrat e sondazhit të bërë, njëri prej simpatizantëve të pranishëm në sallë u ngit dhe shkoi pranë tij, me një foto në telefonin e tij ku shfaqej kryedemokrati Lulzim Basha. Anëtari i PD e fshiu live foton që kishte në telefon dhe e tregoi veprimin e tij para kamerave. m.k

/DRONI.al/