Ish-kryeministri Sali Berisha është pritur nga demokratët në Lushnjë në një mënyrë të veçantë, me fishekzjarre në momentin kur lideri historik i PD-së ishte duke u futur në sallë.
Më pas e ka marrë fjalën ish kryeministri Berisha duke theksuar se foltorja do ta kthejë PD në një parti të bashkuar e fituese.
”Foltorja do ta kthejë PD-në në një forcë vigane të lirisë, deokracisë dhe fitores. Kohërat janë kritike., por secili prej jush që na mbëeshtet ne, po shkruajnë me duart e tyre një kapitull të ri në historinë e Shqipërisë. Po hapin një faqe të re në historinë e demokracisë. Sistemet demokratike janë delikate. Historia që ato kanë njohur vendnumëro dhe prapaktheu. Mjerisht nga demokracisë fragjile kanë lindur edhe diktaturat. Kjo është e vërteta e historisë, por këtë të vërtetë e shohim ne në kurriz. Në Shqipëri u ngrit një diktaturë e bazuar mbi krimin, drogën dhe korrupsionin., Bazohet në vjedhjen e votës, varfërimin e qytetarëve, largimin e tyre masivisht nga Shqipëria. Ky narkoshtet apo diktaturë e bazuar mbi krimin, drogën dhe korrupsionin, jo vetëm ka shkelmuar votën tuaj por ia doli në këto 8 vite të rrëmbejë të gjitha pushtet. Dhe të shndërrojë partinë e martirëve të lirisë, PD-në, partinë që përmbysi diktaturën komuniste ta shndërrojë siç do më thoshte dje në një mesazh të saj, një zonjë e nderuar, një sekretare e një dege të Tiranës, në një ministri të narkoqeverisë së Edi Ramës. Por ne jemi këtu për t’u zotuar se këtë nuk e pranojmë kurrë dhe së bashku me këtë ne do të përmbysim Edi Ramën”, u shpreh Berisha.
Në vijim Berisha tha se qeveria vjedh edhe natën, në gjumë.
“Çfarë është bërë me borxhin që është rritur nga 62.6 në 100% sot, janë ndërtuar vetëm 34 kilometra, dhe ndodhi tani në fund? Në mënyrën më të pabesueshme, bashfajtore në borxh ish kreu i PD apo kryetrari pa parti bëri fajtore në borxh edhe partinë demokratike. A mund të imagjinoni juve që një opozitë e vërtetë t’i lejojë vetes të abstenojë madje në Komisionet e Parlamentit ta votojë pro një borxh prej 720 milionë euro më i madhi i marrë në historikë e këtij vendi në një kohë që këta ministra dhe ky kryeministër vjedhin edhe duke qenë në gjumë gjithë natën sepse ka krijuar mekanizma. Opozita kurrë nuk mund të votonte një borxh të tillë, ata që u përpoqën tju mashtrojnë ju se ne kemi votuar në 2015, por kjo ska ndodhur kurrë, ne braktisëm parlamentin për atë borxh që mori Edi Rama sepse ne kishim bindjen se ai borxh do të vidhej”, tha Berisha. m.k
