Së shpejti priten të mbahen zgjedhjet e parakohshme lokale në Dibër, Lushnjë, Rrogozhinë, Durrës, Shkodër, Vorë dhe ndoshta në Mallakastër, pas vendimit të sotëm të Gjykatës Kushtetuese për njohjen e procesit të 30 Qershorit.
Në këto bashki, kryetarët janë të komanduar. Në Lushnje për shkak të arrestimit të kryetarit Fatos Tushe për korrupsion, në Durrës për shkak të dorëheqjes së Valbona Sakos, në Vorë Agim Kajmaku u kap nga ligji i dekriminalizimit, në Dibër Dionis Imeraj kandidoi për deputet në zgjedhjet parlamentare të 25 Prillit dhe në Rrogozhinë për arsye se Haxhi Memolla ndërroi jetë. Ndërsa në Mallakastër, kryetari i bashkisë është marrë nën hetim nga SPAK.
Në Shkodër Voltana Ademi qëndron në detyrë për shkak se Valdrin Pjetri u zbulua se prekej nga ligji i dekriminalizimit përpara se të merrte drejtimin e institucionit.
Ndërkaq opozita ka ndërmend të padisë vendimin e Kushtetueses në Strasburg edhe pse Venecia që inkurajoi njohjen e zgjedhjeve njëpartiake është institucion e Strasburgut. m.k
