Kryeministri Edi Rama foli sot për ngritjen e “agjencisë për median dhe informimin” duke theksuar se ajo do të ngrihet për të ndihmuar gazetarët në punën e tyre. Kryeministri theksoi se nëse këta të fundit sjellin prova kundër saj kjo agjenci do të shkrihet.
“Sot kam vetëm një përgjigje, e dini mirë çfarë është agjencia për mediat dhe informimin. Mendoj se nuk e keni idenë për çfarë po flisni. Jam shumë i gatshëm që të gjashtë organizatat ti pres, të ulemi si të dëshironi ju dhe të flasim, ju të pyesni ne të japim llogari. Në fund të kuptoni se kjo agjenci është e kundërta e asaj që thoni. Është një mekanizëm për të garantuar transparencën maksimale në raport me ju. Nëse ju hasni një problem me një institucion dhe pengoheni të merrni informacionin t’i drejtoheni kasaj agjencie.
Përpara se të flisni shqip me qeverinë tuaj mbushni botën me alarme fallso. Për fantazma që janë në imagjinatën tuaj që nuk ekzistojnë. Nëse ju do të arrini në përfundimin që kjo agjenci duhet hequr unë do ta heq, por pa të sillni një provë që bën sens agjencia do të shkrihet. Por në të kundërt ju duhet ti shkruani gjithë këtyre njerzëve që keni alarmuar na falni,” tha ai. a.b
