Presidentja e Komisionit Europian, Ursula von der Leyen u prit sot në mëngjes në Tiranë nga kryeministri Edi Rama me një ceremoni zyrtare në Pallatin e Brigadave.
Presidentja e KE, Ursula von der Leyen nis këtë 28 shtator nga Tirana një tur takimesh në vendet e Ballkanit Perëndimor.
https://www.facebook.com/edirama.al/videos/406265890903866/
Pak para nisjes së vizitës zyrtare ne Shqiperi, Preidentja e KE ka dhënë një mesazh të qartë në rrjetet sociale ku shkruante se me vendet e Ballkanit Perëndimor, ndan një të ardhme të përbashkët evropiane.
“Sot filloj vizitën time në gjashtë partnerët tanë të Ballkanit Perëndimor përpara Samitit tonë javën e ardhshme. Mesazhi im është i qartë: ne ndajmë një të ardhme të përbashkët evropiane. Ne jemi duke e përgatitur atë tani. Duke kapërcyer COVID, së bashku. Duke investuar në mënyrë strategjike. Duke u dhënë mundësi të rinjve tanë”, shkruajti Leyen.
Pas takimit me Kryeministrin Rama, Leyen do të jetë pjesë e ceremonisë së inaugurimit të shkollës dhe kopshtit “Korb Muça” në Qerekë, e cila u rindërtua me fondet e BE-së në kuadër të programit “EU4Schools” pas tërmetit.
Presidentja e Komisionit Europian, Ursula Von der Leyen, së bashku me Kryeministrin Edi Rama do të dalin në një konferencë të përbashkët për shtyp, e cila është programuar për në orën 11:15 minuta.
Në vijim të qëndrimit në Tiranl Leyen do të takojë edhe Presidentin Ilir Meta.
Të martën pasdite ajo do të udhëtojë për në Shkup, ku do të takojë Kryeministrin Zoran Zaev, si dhe Presidentin Stevo Pendarovski.
Të mërkurën në mëngjes Presidentja Von der Leyen do të jetë në Prishtinë, ku do të takohet me Presidenten Vjosa Osmani dhe Kryeministrin Albin Kurti.
Presidentja më pas do të udhëtojë për në Podgoricë, ku do të pritet nga Presidenti Milo Ðukanovi dhe Kryeministri Zdravko Krivokapiæ.
Më pas Presidentja do të mbërrijë në Beograd, Serbi, ku do të takohet me Presidentin Aleksandar Vuçiç të mërkurën dhe Kryeministren Ana Brnabiç të enjten. Ndalesa e saj e fundit do të jetë Bosnja dhe Hercegovina. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
