Nënkryetarja e PD-së Grida Duma është përpjekur të japë komentin e saj në lidhje me vendimin për largimin e Sali Berishës nga Grupi Parlamentar demokrat, gjatë një interviste në abc news.
Në krye ajo e ka cilësuar një akt të madh moral të lidershipit që mori Lulzim Basha për të mos e futur partinë në përçarje ndërsa më poshtë thotë se po të pyetej do e godiste këtë akt.
“Deri më sot në këtë zallamahi diskutimesh, nuk kam dëgjuar të analizohet mirë se çfarë ka ndodhur si një akt vendimmarrës i PD. Nëse do kërkohej që secili nga ne të jepte mendimet personale, do godisnim një akt lidershipi. Akti moral për të mos e futur PD-në në përçarje, është akt i madh i lidershipit. Vetë Basha tha që ‘është vendim shumë i vështirë, përgjegjësitë do t’i marr nga A-ja te ZH-ja vetë ‘. Mendoj që ajo që është bërë mirë, është që kryetari i partisë e ka marrë mbi supe, dhe nuk e ka lënë të shkojë atje ku ndjesitë janë legjitime. Kam vlerësuar se indikatorët për çështjen që kanë çuar te ‘non grata ‘, që unë nuk i di se cilat janë, është pjesë e ruajtjes së PD-së, që nuk hyn në diskutime të figurës së Sali Berishës”, tha Duma.
Duma thotë se: “Brenda PD-së mund të ketë emocione të ndryshme, por jo grupime të ndryshme. Vendimet e vështira të një organizate politike kuptohen më vonë, pse edhe si. Të gjykosh sot është jomaturi politike. PD ka të qartë një gjë që nuk duhet të jetë fituese për të marrë pushtetin, por për misionin për rrugën europiane të Shqipërisë. Demokratët janë në vitin e 9-të të sakrificës dhe unë kam mallëngjim për ata që nuk janë tërhequr. Mënyra për të arritur ata që duhet në të ardhmen është të kemi aleancën strategjike. Ju siguroj që PD, dhe ajo që Basha e bën të qartë është të bëjë transparencë dhe të mirëinformojë për figurën historike të ish-kreut të PD”, tha Duma. a.b
