Kryeministri Edi Rama ka vijuar serish debatin në lidhje me praninë e këngëtarit serbo-boshnjak Goran Bregovic në festen e birrës në Tiranë. Ai u është kundërvënë atyre që konsideruan se Rama krahason Dua Lipën me Bregovicin duke mohuar këtë krahasim e duke sqaruar sqarimi e tij të një dite më parë, sic i ndodh zakonisht pasi nuk gjen rehati deri sa të gjithë të mendojnë njësoj si ai.
EDI RAMA/ NJË KOMENT PËR KOMENTET E KINSE PATRIOTËVE
Ashtu siç bënë Bregoviçin kriminel serb pa asnjë fakt, tani sokëllijnë që unë paskam barazuar Dua Lipën me të! Dhe histeria vazhdon por jo, unë nuk kam barazuar hiçfare Dua Lipën me Goran Bregoviçin, po kam thënë me një shembull të vërtetën e hidhur se të barabartë, njësoj krejt janë ata që shajnë e mallkojnë, në serbisht a në shqip, artistët e sportistët me emër të palës tjetër! Histeri fashiste që as nuk e mbron, as e nderon, po vetëm e turpëron shqiptarinë, e cila s’mund të jetë kurrë shembëlltyrë e urrejtjes! a.b
