Ish kryetari i bashkise së Lzshnjes Fatos Tushe ëashtë sënurë dhe kërkon arrest shtëpie ose lirim me kusht përmes garancisë pasurore.
Avokati i tij ka kërkuar sot ndryshimin e masës së sigurisë duke deklaruar edhe sëmundjet e Tushes.
“Tushe vuan prej vitesh nga sëmundje kardiake, diabet, gur në tëmth me kriza të vazhdueshme akute, nga mushkëria si dhe është alergjik/intolerant ndaj disa ushqimeve. Problemet shëndetësore të tij provohen nga të dhënat e pasqyruara në dokumentat e përfshira në dosje”, deklaron avokati.
Në vijim ai argumenton nga ana ligjore nevojën e ndryshimit të masës së sigurisë.
“Përveç sa më sipër, për të shmangur rrezikun (që sqaruam se nuk ekziston realisht) e ikjes, Gjykata mund të caktojë edhe masën e „Garancisë pasurore“, për të cilën deklarojmë se jemi të gatshëm të sigurojmë në bankë shumën që do të përcaktohet nga Gjykata, për të siguruar organin e akuzës se do të jemi korektë gjatë gjithë hetimit. Parashikimet e nenit 236 të Kodit të Proçedurës Penale, e “detyrojnë” Gjykatën të caktojë masën e sigurimit “Garanci pasurore”, kur personi nën hetim është dakord me këtë masë,. Sepse në nenin 236 të Kodit të Proçedurës Penale parashikohet se: “ kur është caktuar masa e sigurimti “ arrest në burg apo arrest në shtëpi, për shkak të egzistencës së rrezikut të ikees, gjykata mund të vendosë zëvendësimin e saj, duke urdhëruar lirimin e perosnit, nëse është ofruar garanci pasurore nga ai vetë, ose një person tjetër për moslargimin e tij deri në përfundim të gjykimit. Ky parashikim në kodin e Proçedurës Penale është në përputhje edhe me praktikën Gjyqësore të GJEDNJ-së”, deklaron avokati i Tushes. a.b
