Një magazinë shtetërore u dogj në Lundër këtë mbrëmje brenda së cilës kishte edhe materiale zgjedhore.
KQZ ka sqaruar se bëhej fjalë për dokumenta të vjetra dhe se asnjë dokument që ka lidhje me zgjedhjet e 25 prillit nuk është djegur apo dëmtuar.
”Komisioni Qendror i Zgjedhjeve informon se mbrëmjen e sotme një nga ambjentet e institucionit në Lundër është përfshirë nga zjarri për arsye që ende nuk dihen. Në ambjentet të cilat ka ndodhur incidenti ka patur materiale të vjetra të KQZ-së, të cilat janë nxjerrë jashtë përdorimit nga ana e institucionit.
Materialet, dokumentacioni zgjedhor dhe çdo gjë tjetër që ka të bëjë me zgjedhjet e 25 prillit janë të ruajtura në një ambient tjetër që nuk ka lidhje me ambinetin ku ka rënë zjarri.
KQZ ka lajmëruar mënjëherë instancat përkatësë për të marrë masat e duhura për neutralizimin e zjarrit dhe për gjetjen e shkaqeve të këtij incidenti”, njofton KQZ. a.b
