Grupi për ndryshime statutore në PD është mbledhur sot në selinë e kësaj partie për të diskutuar mbi ndryshimet e propozuara.
“Të mërkurën, datë 14.07.2021, orën 11:00, do të zhvillohet mbledhja e Komisionit të Përhershëm Statutor, për të shprehur mendimin e tij për propozimet që do të vijnë deri të martën, datë 13.07.2021, nga anëtarë të Komisionit, anëtar të Kryesisë, Kryetari i Partisë, anëtar të Këshillit Kombëtar, apo strukturat lokale të Partisë”, njoftoi pak ditë më parë sekretari i përgjithshëm i PD-së anëtarët e komisionit.
Lulzim Basha, Fatbardh Kadilli dhe Edit Harxhi dot ë debatojnë në lidhje me sanksionimin në statut të kufizim të mandatit të kryetarit të partisë në katër vjet në rast të humbjes së zgjedhjeve.
Lulzim Basha kërkon që statuti i ri të vazhdojë të mos jetë pengesë për rikandidimin e tij në krye të PD edhe nëse ai humbet sërish zgjedhjet parlamentare. Ndryshimet statutore të Lulzim Bashës prekin përbërjen e disa forumeve më të larta të partisë si këshilli kombëtar apo Kryesia e cila zgjerohet sërish duke përfshirë si anëtarë të saj për shkak të funksionit, kryetarin e Këshillit Kombëtar, si edhe kryetarët e Bordit Financiar, Komisionit Zgjedhor dhe atij të Apelimit, integritetit dhe Etikes.
Ndërsa, Fatbardh Kadilli në propozimin e tij ka listuar të gjitha pikat, mes të cilave për kryetarin e partisë duhet të jetë kusht që të fitojë zgjedhjet, në të kundërtën do duhet që të lërë drejtimin e partisë, pa pasur të drejtë të marrë pjesë në garën e radhës.
Këtë të enjte do të mblidhet edhe Kryesia e PD-së, e cila do të njihet me analizën e zgjedhjeve që është bërë në 12 qarqe dhe listën me kandidatët për Këshillin Kombëtar për të vijuar më pas me mbajtjen e Kuvendit Kombëtar të PD. a.b
