Dje nga Sektori kundër krimit ekonomiko-financiar në Drejtorinë Vendore të Policisë Lezhë, pas një punë të mirëfilltë hetimore disa mujore, u finalizua operacioni i koduar “Piktori”.
Si rezultat i këtij operacioni u dokumentua veprimtaria kriminale e prodhimit të dokumenteve të ndryshme të falsifikuara dhe u arrestuan në flagrancë dy persona që dyshohen se në bashkëpunim me njëri – tjetrin, kanë falsifikuar dokumente të ndryshme kundrejt një vlere monetare.
Gjatë kontrollit të ushtruar në banesën e Mark Gjinaj, janë gjetur një sasi baze materiale që dyshohen se përdoreshin për prodhimin e dokumenteve të falsifikuara.
Gjithashtu gjatë kontrollit janë gjetur e sekuestruar edhe dokumente e materiale të ndryshme të cilat dyshohet se përdoreshin nga ana e tyre, si modele falsifikimi.
Materialet i referohen Prokurorisë së Rrethit Gjyqësor Kurbin për veprime të mëtejshme për veprat penale “Falsifikimi i dokumenteve” “Falsifikimi i dokumenteve shkollore” “Falsifikimi i vulave, stampave ose i formularëve” parashikuar nga nenet 186/2,187/2,190/2 të Kodit Penal.
Të arrestuarit
Mark Gjinaj , 52 vjeç, banues në Kurbin.
Fatmir Braha, 45 vjeç, banues në Durrës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
