Reagon edhe LSI për dhunën ndaj biznesmenit të huaj, heshtin Edi Rama dhe Saimir Tahiri

Një ditë pas masakrimit me shkop bejsbolli të biznesmenit libanez, reagon sekretari i Përgjithshëm i LSI-së Luan Rama.
“Dhuna ndaj biznesmenit libanez akt tepër i rëndë. Urojmë shërim të shpejtë biznesmenit. Të bëhet hetim i thellë dhe i gjithanshëm i ngjarjes”, thekson ai.
Luan Rama kërkon që fajtoret të dalin sa më parë para drejtësisë.
“Ky akt, mesazh negativ për biznesmenët e huaj. Organet e rendit të bëjnë më shumë për parandalimin. Agjencitë e inteligjencës të intensifikojnë luftën ndaj krimit të organizuar”, thuhet në deklaratën për mediat të Luan Ramës.
Dyshohet se dhuna barbare ndaj biznesmenit të huaj lidhet me një investim që ai do të bëjë në Gjirin e Lalzit.
Reagimi i LSI-së, pason reagimin denoncues dje, të kreut të PD-së Lulzim Basha dhe ish-kryeministrit Sali Berisha. Ende për këtë ngjarje nuk ka një reagim e qëndrim zyrtar nga kryeministri Edi Rama dhe ministri i brendshëm Saimir Tahiri.