Parlamenti më i keq i Shqipërisë pritet të zhvillojë mbledhjen e fundit më 8 korrik të këtij viti duke u shpërndarë përfundimisht në respekt të Kushtetutës që kërkon mbarimin e funksioneve të tij ndërkohë që në javën e parë të shtatorit nis punimet Kuvendi i dalë nga zgjedhjet e 25 prillit.
Sipas kalendarit të punimeve në faqen e kuvendit seanca e radhës pritet të jetë më 24 qershor ndërsa një tjetër në fillim të muajit më 1 qershor. Në këto dy seanca sipas axhendës do të ketë raportime të institucioneve shtetërore të pavarura. Autoritetit të Komunikimeve Elektronike dhe Postare pritet që të raportojë për veprimtarinë e vitit 2020 në seancën e ditës 1 korrik ndërkohë do të ketë edhe projektligje për hekurudhat.
Ndërkohë pritet që të ketë edhe një seancë tjetër që sipas burimeve nga kuvendi mund të jetë ditën e fundit që kuvendi mbyll punimet, më datë 8 korrik.
Parlamenti actual kaloi disa nga ligjet më të diskutueshme ndërkohë që funksionoi si një parlament gjysmak, pa numrin kushtetues të deputetëve.
Opozita bojkotoi Parlamentin dhe dogji mandatet në pranverën e 2019. Prej atëherë në vend të tyre erdhën një numër deputetësh nga listat të manipulueshëm nga mazhoranca, me ndonjë përjashtim. a.b
