Ambasadorja amerikane në Shqipëri, Yuri Kim ka vizituat ditën e djeshme Tropojën që me sa duket i ka lënë mbresa shumë të thella.
Diplomatja amerikane flet me superlativa për mikpritjen, por edhe madhështinë e maleve.
“Është e vërtetë ajo që thonë për veriun: malet janë madhështore, njerëzit janë vërtetë fisnikë.
Piva raki me Catherine Boehn dhe miqtë e tjerë të cilët po promovojnë turizmin malor të Shqipërisë.
E mbylla vizitën time me një performancë nga Ansambli Dardania, që kërceu me një pasion të paharrueshëm.
Faleminderit qytetarëve të Bajram Currit për pritjen tuaj të ngrohtë në udhëtimin tim të parë, nuk do të jetë i fundit. Shihemi së shpejti”, shkruan ambasadorja Kim.
Edhe një tjetër ambasadore amerikane ka qënë shumë e lidhur me Tropojën. Marsi Reis e vizitonte shpesh dhe rindërtoi shkollën e Valbonës. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
