Bjellorusia ka bllokuar një avion që fluturonte nga Athina në Vilnius, Lituani për të arrestuar një gazetar opozitar bjellorus qe ndodhej në avion përmes një alarmi të rremë për bombë në avion.
Mësohet se Bjellorusia e ka detyruar avionin të ulej në aeroportin e saj në mënyrë që të arrestonte gazetarin kritik ndaj qeverisë i cili është dënuar me vdekje.
Blogeri dhe aktivisti i opozitës Roman Protasevich njihet si mbështetës i opozitares së njohur Sviatlana Tsikhanouskaya.
Ai është një gazetar dhe aktivist i njohur që ka kundërshtuar regjimin e Lukashenkos dhe ka qenë nga kritikët më të fortë gjatë protestave 6-mujore në Bjellorusi. Gazetari e ka konsideruar udhëheqësin bjellorus si “diktatori i fundit i Europës”.
BE është alarnuar nga rasti duke paralajmëruar qeverinë në Minsk se do të ketë pasoja shumë të rënda nëse nuk do të lejojë rinisjen e fluturimit të avionit të kompanisë Ryanair drejt kryeqytetit të Lituanisë me të gjithë pasagjerët e tij në bord.
“Është tmerrësisht e papranueshme që të detyrosh një avion të nisur nga Athina për në Vilnius për t’u ulur në Minsk”, tha Presidentja e Komisionit Europian, Ursula von der Leyen.
Ajo kërkoi që në bordin e avionit që do të riniset për në kryeqytetin lituanez të jetë edhe gazetari opozitar bjellorus i arrestuar nga autoritetet vendase.
“Të gjithë pasagjerët duhet të jenë në gjendje që të vazhdojnë udhëtimin e tyre menjëherë dhe të sigurtë drejt Vilniusit. Çdo shkelje e rregullave në transportin ajror ndërkombëtar duhet të përballet me pasojat”, thotë Presidentja e KE. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
