Ka shkuar në 13 numri i viktimave në tragjedinë e ndodhur sot në Itali, pasi një kabinë teleferiku është shkëputur dhe ka rënë nga rreth 1500 metra lartësi. “La Repubblica” raporton se kanë ndërruar jetë 13 persona nga 15 që ndodheshin në total në kabinë. Dy fëmijë të moshës 9 dhe 5 vjeç janë transportuar drejt spitalit të Torinos në gjendje të rëndë.
Njëri prej fëmijëve ka fraktura në kokë dhe gjymtyrët e poshtëm, ndërsa tjetri ndodhet në Urgjencë në gjendje të rëndë.
Teleferiku Stresa Mottarone merr turistë dhe vendas nga qyteti i famshëm i Stresa, në liqenin Maggiore, me gati 1500 metra mbi nivelin e detit deri në majën e malit Mottarone për 20 minuta.
“Aksident i rëndë në teleferikun Stresa- Mottarone. Shpëtimi alpin, dhe ekipet e tjera të shpëtimit në vend. Dy ambulanca me helikopter ndërhynë”, tha shërbimi kombëtar i shpëtimit alpin në Twitter.
Incidenti, ndodhi rreth orës 12:30 minuta të mesditës së sotme rreth 100 metra larg shtyllës së fundit të stacionit të mbërritjes, raporton media italiane. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
