Në KZAZ nr.47 në Elbasan ka ndërhyrë policia për të vendosur qetësi ndërkohë ka nxjerrë jashtë një numër të madh personash që ishin të pranishëm.
Sipas mediave lokale policia erdhi për shkak se u kërkua nga komisionerët. Kjo është edhe KZAZ me e madhe në të gjithë qarkun dhe përfshin fshatrat e Elbasanit.
Ndërkaq një përplasje e dhunshme ka nisur mes simpatizantëve të forcave politike jashtë qendrës së votimit në Rrogozhinë. Burime bëjnë me dije se dyshohet të jenë simpatizantë të Partisë Socialiste dhe debati ka nisur për shkaqe banale. Pas nisjes së sherrit, disa numërues kanë ndërprerë numërimin dhe janë përfshirë në përplasjen fizike. Ndërkohë policia ka shoqëruar pesë persona, raporton top channel.
Edhe më Vlorë numëruesit dhe vëzhguesit, në pallatin e sportin në Vlorë janë konfliktuar me njëri-tjetrin.
Debati ka nisur mes komisionerëve të Partisë Socialiste dhe atyre të Lëvizjes Socialiste për Integrim e Partisë Demokratike.
Shkak janë bërë disa vota të shënuara, që i përkasin LSI-së, por për shkak të shënimit i kanë shpallur fillimisht të pavlefshme dhe më pas ia kanë kaluar PS-së, sipas Griselda Myslymit, e dyta e listës së LSI-së në Vlorë. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
