Kryetari i PSD-së, Tom Doshi dha sot dorëheqjen e parevokueshme nga kandidimi si deputet duke hapur rrugën e përfshirjes së partisë së tij në një qeveri të majtë.
Përmes një letre drejtuar Komisionit Qëndror të Zgjedhjeve, Doshi kërkon zëvendësimin e mandatit të tij me një tjetër.
Nuk dihet ende arsyeja e kësaj manovre të bërë nga kreu i PSD-së për tu larguar në mënyrë të beftë nga gara kur ka një rezultat mjaft të mirë në qarkun e Shkodrës dhe të Tiranës.
Teksa janë numëruar 405 qendra votimi nga 5199 në total, Doshi ka marrë 1.86 për qind në rang vendi, me një projeksion për të paktën 1 mandat për deputet.
Letra e plotë e Doshit:
Kërkesë/ Komisionit Qëndror të Zgjedhjeve
Unë u nënshkruari Tom Doshi me vullnetin tim të lirë dhe të plotë deklaroj se në datën 26 prill jap dorëheqjen e parevokueshme nga mandati im si deputet i Kuvendit të Shqipërisë.
Deklaroj se sot në datën 26 prill jap gjithashtu dorëheqjen nga mandati im si deputet i fituar pas zgjedhjeve të 25 prillit 2021 dhe jap dorëheqjen nga lista shumëemërore e kandidatëve për deputet të PSD për zgjedhjet për Kuvendin e Shqipërisë të datës 25 prill 2021..
I kërkoj KQZ të bëjë zëvendësimin tim si deputet sipas parashikimeve ët Kodit Zgjedhor.
Sa më sipër ëstë në përputhje me vullnetin tim të lirë dhe të plotë dhe nuk kam sot në datën 26 prill dhe asnjë pretendim me vendimin e KQZ sipas të cilit mandati im i kalon kandidatit tjetër sipas parashikimeve të Kodit Zgjedhor. Kjo dorëheqje është e parevokueshme.
