Presidenti Meta votoi sot që në orën 7 të mengjesit në kopshtin 31 në rrugën Pjetër Bogdani në Tiranë.
Pasi ka marrë fletën, kreu i Shtetit i është drejtuar dhomës së fshehtë ku ka shprehur vullnetin e tij.
“Për kushtetutën, për republikën për Shqipërinë në Evropa”, tha Presidenti Ilir Meta.
Ndërkohë, pak më vonë Presidenti Ilir Meta në një lidhje live me skype për Sokol Ballën në Neës24 sqaroi ngritjen e dy gishtave gjatë votimit.
“Dy gishtat për mua janë 2 marsi është Kushtetuta nuk presim situata, sepse presidenti është në krye të detyrës këtu. Gjithë bota i ka sytë këtu sot. Sot qetësi, vendosmëri dhe dashuri për Shqipërinë”, tha Presidenti.
https://www.facebook.com/ilirmetazyrtar/videos/477576763692664/
Në të njëjtën qendër votimi hodhi votën edhe kryetarja e LSI, Monika Kryemadhi.
“Dua t’ju bëj thirrje sot të gjithë qytetarëve që t’ju drejtohen qendrave të votimit të qetë, të bindur, për atë që duan të realizojnë nëpërmjet votës së tyre.
Vota e qytetarëve është një votë e shenjtë, është një votë që për hir të së vërtetës do ti japë mundësinë dhe shansin të rinjve dhe të rejave, të gjithë qytetarëve, që nëpërmjet verdiktit të tyre të çojmë Shqipërinë më shumë se kurrë drejt Evropës.
Unë ju uroj suksese të gjithë kandidatëve, sidomos kandidatëve të LSI-së, siç ndodh gjithmonë, kështu që jam e bindur që fitorja do të jetë e patjetërsueshme për LSI-në.”, tha Kryemadhi për mediat. a.b
