Ambasadorja e Shteteve të Bashkuara të Amerikës në Tiranë, Yuri Kim kërkoj sot që të ndiqen penalisht dhe pa përjashtime kushdo që shkel të drejtën e votës.
Ajo është takuar me drejtuesit të institucioneve ligjzbatuese me të cilët ka diskutuar për situatën e vendit tani në prag të zgjedhjeve.
“Unë u takova me Prokurorin e Përgjithshëm Olsian Çela, do të takohem së shpejti me shefin e SPAK, Kraja, dje u takova me Drejtorin e Përgjithshëm të Policisë së Shtetit, Ardi Veliu. Ata që shkelin ligjin dhe pengojnë të drejtën e qytetarëve për të votuar lirshëm dhe në paqe duhet të ndiqen plotësisht. Asnjë trajtim i veçantë. Pa përjashtime. Askush nuk është mbi ligjin”, tha ambasadorja Yuri Kim. a.b
