EMRI/ Atentat në kryeqytetin italian, vritet shqiptari me 4 plumba

Një shqiptar është ekzekutuar me armë mesnatën e kaluar në kryeqytetin italian, Romë.
Ngjarja mësohet se ka ndodhur rreth orës 23:30 minuta.
Sipas medieve italiane, mësohet se viktimë ka mbetur një shqiptar 43 vjeç, i identifikuar si Gaspër Reçi. Ai është qëlluar me 4 plumba në zonën e Romanina, ndërsa ishte duke ecur në këmbë në rrugën “Simeri Crichi” në Romë. Nga një makinë, persona të paidentifikuar e kanë qëlluar me armë zjarri duke i shkaktuar vdekjen e menjëhershme. Sipas hetimeve të para, dy burra në bordin e një makine “Smart” i janë afruar 43-vjeçarit dhe njëri prej tyre, dyshohet pasagjeri e ka qëlluar atë për vdekje, për t’u zhdukur më pas.
Menjëherë kanë nisur hetimet në lidhje me këtë krim, por ende nuk ka të dhëna për autorët.
Policia italiane thotë se ngjarja mund të ketë lidhje me një konflikt familjar, mes viktimës dhe personave që e kanë qëlluar për vdekje.