Dy partitë e mëdha bëjnë hapjen zyrtare sot të fushatës elektorale në të njëjtën dhe në dy sheshe të ndryshme në Tiranë.
Sheshi “Skënderbej” është gati për nisjen e fushatës së Partisë Socialiste. Në shesh janë vendosur karriget për të pranishmit mbi disa platforma, teksa sfondi i tribunës është me nuancat e blusë. Sheshi do të rrethohet me gardh metalik gjatë kohës së aktivitetit, pasi pranë janë vendosur tashmë materialet.
Nga ana tjetër në selinë e PS është vendosur fasada e re me sloganin e fushatës dhe foton e kryeministrit Edi Rama që shfaqet me maskë. PS hap fushatën elektorale sot në orën 17:00.
Ndërkohë nga Partia Demokratike, Lulzim Basha ka shpërndarë një video me përgatitjet e fundit që po bëhen në selinë blu. Në selinë blu në fasadë është stampuar slogani, numri i fletës së votimit dhe sigla e PD.
Demokratët do të mblidhen për të shënuar nisjen e fushatës në orën 17:00, në sheshin ‘Nënë Tereza’. Aty do të jenë pranishëm më pak kandidatë ndërsa mësohet se do të lejohen qytetarët të jenë prezentë. Risia në fushatën e PD-së do jetë prezenca e qytetarëve me makina, njëjtë si fushata e zhvilluar nga Joe Biden në SHBA.
Megjithatë nuk dihet nëse aleatëve të PD-AN, do t’u bashkohen edhe emrat e kandidatëve për deputetë nga Lëvizja Socialiste për Integrim, apo Monika Kryemadhi ka zgjedhur të prezantohet veç Bashës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
