Kjo video tregon momentin e arrestimit të 28-vjeçarit Ahmad Khan Rahami, autori i dyshuar i dy sulmeve me bombë dhe një tjetër të mbetur në tentativë, në New York dhe New Jersey.
Ai u arrestua pas një operacioni të gjerë për kapjen e tij dhe pasi shkëmbeu zjarr me policinë.
Ishte pronari i një lokali në Linden të New Jersey që telefonoi autoritetet, pasi e gjeti 28-vjeçarin duke fjetur në hyrje të biznesit të tij.
Kur policia mbërriti në vendngjarje Rahami mori armën dhe nisi të qëllojë në drejtim të tyre, duke plagosur dy oficerë.
Nga shkëmbimi i zjarrit, mbeti i plagosur në shpatull edhe vetë 28 -vjeçari, i cili pasi u neutralizua u transportua me ambulancë.
