Kancelarja gjermane, Angela Merkel në një mbledhje ditën e sotme me kolegët e saj të partisë është shprehur që masat ekzistuese të kufizimit në Gjermani, mbyllja e bareve dhe restoranteve, nuk janë të mjaftueshme për të kontrolluar virusin.
“Situata po bëhet shumë serioze, këto masa nuk do të jenë të mjaftueshme për të kaluar dimrin”, është shprehur Merkel.
Numri ditor i infektimeve në Gjermani nuk është në rritje, krahasuar me shifrat e larta të viktimave.
Gjatë mbledhjes u dakordësua për të mos rishikuar masat kufizuese deri më 10 janar. Edhe pse vaksinat pritet të ndihmojnë për kontrollimin e pandemisë, numri i tyre është i kufizuar dhe vetëm disa grupe të caktuara, përfshirë këtu të moshuarit do të mund të vaksinohen gjatë dimrit.
e.h/DRONI.al/
