Kryeministri grek Mitsotakis në një deklaratë mbrëmjen e sotme u shpreh se vaksina anti-Covid Pfizer pritet të miratohet më 30 Dhjetor nga Bashkimi Europian dhe pas 48 orësh do të mbërrijnë në Greqi.
Mitsotakis tha që të parët persona të cilët do të vaksinohen do të jenë ai vetë, familja e tij dhe Presidenti greke Sakelaropulu ndërsa theksoi sërish që gjatë periudhës së Krishtlindjeve do të zbatohet një izolim i rreptë.
“Vaksina e Pfizer miratohet nga BE në 30 Dhjetor, pas 48 orësh arrin në Greqi. Të parët do vaksinohemi familja ime, unë dhe presidente e Greqisë, Katerina Sakelaropulu. Hezituesit duhet të dinë se vaksinat shpëtojnë jetë dhe janë e vetmja armë e sigurt për të fituar imunitetin ndaj covid-19.
Nuk parashikohet rifunksionim i sferës së argëtimit, sidomos të natës, deri në vaksinimin e përqindjes më të lartë të popullsisë mund të arrijë deri në Pashkë. Shkollat do të rihapen në 7 janar, deri atëherë do të jetë stabilizuar situata në sistemin shëndetësor. Sivjet Krishtlindje do të kalojmë me deri në 9 veta në çdo shtëpi, do të zbatohet lockdoën i rreptë”, tha kryeministri grek.
e.h/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
