Dy grupe të burgosurish janë përleshur midis tyre me shkopinj gome, stola dhe mjete të tjera të forta.
Ngjarja ka ndodhur në burgun Regina Caeli në Itali, ku të paktën 15 të burgosur janë përleshur midis tyre. Dhjetë prej të burgosurve janë shqiptarë, ndërsa 5 të tjerë janë nga Amerika Latine.
Mediat italiane shkruajnë se shqiptarët ishin të përgatitur për sulmin, ndërsa kanë kërcënuar edhe personelin e burgu.
Nuk dihen arsyet e sherrit, ndërsa është dashur ndërhyrja e policisë për të qetësuar situatën.
Burgu në fjalë është i mbipopulluar duke mbajtur rreth 400 persona më tepër, shumica e të cilëve të huaj. Në burgjet italiane, janë mbi 18 mijë të huaj.
Itali, të burgosurit shqiptarë luftë me shkopinj ndaj të burgosurve latinë
