Policia greke ka ndaluar këngëtarin e njohur Notis Sfakianakis pasi u kap me një sasi droge dhe armë në makinë.
Ndalimi i artistit u bë rreth orës 20:00, kur policia gjatë kontrolleve për masat anti covid ndaloi rastësisht një makinë luksoze, pa e ditur që ishte këngëtari, raportojne mediat greke.
Pas kontrollit në makinë policia i gjeti një armë, rreth dy gram kokainë dhe një pajisje shkarkimi elektrike.
“Unë i kam për sigurinë time,” mësohet se i ka thënë Notis Sfakianakis, i cili ishte plotësisht bashkëpunues me policinë.
Ai u dërgua në Departamentin e Sigurisë Argyroupoli – Elliniko, ku u zbulua se armën që ai zotëronte e kishte pa leje.
Artisti i njohur grek përballet me akuzën e posedimit të lëndëve narkotike dhe armëmbajtje pa leje.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
