Braktiset nga bashkia, invalidi me shtëpi të shkatërruar nga tërmeti në njësinë 8. Më kanë përjashtuar nga gjithçka, thote ai
Zëdhënësja e PD, Ina Zhupa bisedoi me banorin e njësisë 8, Shaqir Kasmi, i cili nuk ka përfituar nga procesi i rindërtimit, megjithëse shtëpia e tij është dëmtuar plotësisht. Shaqiri tregon se shtëpia pësoi dëmtime që në shtatorin e kaluar.
“Shtëpinë e pa inxhinjiere Alma Zorba e njësisë 8. Ajo erdhi, e fotografoi me celular dhe se shtëpia ishte në gjendjen më të keqe nga të gjithë në lagje”. – tregon Shaqiri, i cili ka një fatkeqësi të dyfishtë. Tërmeti i dytë e gjeti në spital, ku për shkak të diabetit, i prenë njërën këmbë. Fatkeqësia tjetër ishte se nga bashkia i ka ardhur dokument se nuk ka dëmë në shtëpi, megjithëse realiteti është krejt i kundërt.
“Kryeplaku më dha një dokument të firmosur, jo me firmën time, por me firmen e kryeplakut të lagjes, ku thuhet se në shtëpi nuk ka dëme. Por dëmet ja ku janë. Unë jam pa lekë kam një vit e ca, pa lekë, pa bukë”- thotë Shaqiri, i cili tregon se nuk ka marrë as bonus, asgjë nga bashkia.
“Shaqir Kasmi: Asnjë gjë send nuk kam marrë. Unë u kam thënë atyre, “dua cetëm që të ma rregullojnë se leket nuk i dua
Ina Zhupa: Ti do që të rregullosh shtepinë, që të fusesh kokën .
Qytetari: Unë dua të rregulloj shtëpinë që të rri tamam si të gjithë njerëzit.”
