Një 28-vjeçare, e cila ishte 5-muajshe shtatzënë humbi jeten mbremjen qe kaloi pas infektimit nga covid.
Viktima është identifikuar si E.Dalipi, e cila prej një jave ishte e infektuar me Covid-19. Burime bëjnë me dije se fillimisht ka qëndruar në shtëpi pasi kishte frikë të mjekohej sepse mendonte që do të dëmtonte fëmijën.
Më pas, me përkeqësimin e gjendjes shëndetësore është shtruar në Infektiv ku për tre ditë ka qëndruar në terapi intensive, pastaj e kanë kaluar në reanimacion qendror për shkak të rëndimit të situatës.
Në momentin kur është kryer ndërhyrja për ti hequr fëmijën, 28-vjeçares i nisi hemorragjia dhe mjekët e kishin të pamundur që të shpëtonin jetën e foshnjes dhe të nënës.
Kështu tentativa e mjekëve për të mbajtur në jetë foshnjen prematurë dhe nënën dështoi. Emanuela kishte qëndruar fillimisht në shtëpi pasi ishte e shqetësuar për dëmin që mund ti shkaktonin fëmijës ilaçet me Covid.
Më pas, me përkeqësimin e gjendjes shëndetësore është shtruar në Infektiv ku për tre ditë ka qëndruar në terapi intensive, pastaj e kanë kaluar në reanimacion qendror për shkak të rëndimit të situatës.
