Ndërron jetë kryetari i Bashkisë së Kolonjës

Arben Malo, kryetari i Bashkisë së Kolonjës ka ndërruar jetë në moshën 46-vjeçare si pasojë e një ataku kardiak.
Malo ndërroi jetë në banesë dhe do t’i nënshtrohet një ekspertiza për të konfirmuar zyrtarisht shkaqet e vdekjes.
Arben Malo ishte zgjedhur kryetar i Bashkisë së Kolonjës si përfaqësues i Aleancës për Shqipërinë Evropiane.
Arben Malo ka qenë kryetar i Partisë Socialiste në Kolonjë gjatë viteve 1998 – 2005. Prej vitit 2013 e ne vazhdim ka mbajtur postin e Drejtorit të Drejtorisë Rajonale të Bujqësisë, Korçë.
Përgjatë viteve 2000 – 2007 ka qenë Kryetar i Këshillit Bashkiak Ersekë; ndërsa në vitet 2000 – 2011 ka ushtruar detyrën e anëtarit dhe kryetarit të grupit socialist të Këshillit të Qarkut Korçë.