Policia kufitare në Kapshticë ka njoftuar gjithë qytetarët që janë të interesuar të kalojnë në drejtim të shtetit grek, se aktualisht kuota prej 300 personash është plotësuar.
Për këtë arsye, policia greke ka pezulluar punën e nuk do të lejohet kalimi i personave të tjerë për ditën e sotme.
“Njoftojmë të gjithë qytetarët që janë të interesuar të kalojnë në drejtim të shtetit grek, se aktualisht kuota prej 300 shtetas është plotësuar dhe nga ana e policisë greke është pezulluar puna e nuk do të lejohet kalimi i personave të tjerë për ditën e sotme.
Policia Kufitare apelon për qytetarët që duan të udhëtojnë në drejtim të Greqisë, që të mos vijojnë udhëtimin në drejtim të PKK Kapshticë për ditën e sotme”,-thuhet ne njoftimin zyrtar.
/DRONIi.al/
