VIDEO/ 100 mije protestues ne Minsk: Lukashenko, je i pushuar!

Dhjetëra mijëra persona janë mbledhur në Minsk për të kundërshtuar rizgjedhjen e Aleyksandr Lukashenkas në postin e presidentit, por edhe për të dënuar shtypjen e protestave nga autoritetet, njofton radio Evropa e Lire.

Në këtë protestë raportohet se ka prezencë të shtuar ushtarake.

Kjo është dita e 15-të me radhë që në Bjellorusi po mbahen protesta kundër Lukashenkas.

Mijëra persona janë mbledhur në “Sheshin e Pavarësisë”, duke valëvitur flamurin e Bjellorusisë. Në protestën që po quhet si “Marshi për Bjellorusinë e re” raportohet se po marrin pjesë mbi 100 mijë persona.

Protestuesit po brohorasin “Largohu”, një referencë kjo ndaj Lukashenkas, të cilit po i kërkojnë që të largohet nga pushteti. Lideri autoritar bjellorus udhëheqë me vendin qe 26 vjet.

Para nisjes së protestës, Ministria e Mbrojtjes njoftoi se ushtria do të përkujdeset që memorialet kombëtare të mos sulmohen nga protestuesit. Kjo ministri, përmes një njoftimi për media, tha se nëse monumentet dhe statujat bëhen cak i protestuesve, atëherë protestuesit do të përballen me forcat policore dhe ushtrinë.

Duke i përshkruar protestuesit si “fashistë”, Ministria e Mbrojtjes tha se memorialet – veçanërisht ato që iu dedikohen viktimave të Luftës së Dytë Botërore – nuk duhet të sulmohen nga protestuesit.

Ministria paralajmëroi se forcat ushtarake do të ndërhyjnë nëse ka shkelje të paqes, duke i porositur protestuesit : “Tani ju do të përballeni me ushtrinë dhe jo me policinë”.

Deklarata e lëshuar nga Ministria e Mbrojtjes vjen në kohën kur në Minsk janë parë duke u sjell forca të ushtrisë.

pic.twitter.com/DikbqGpICo

— Señor Baggins (@barrelrider684) August 23, 2020

#Minsk NOW: Protesters heading to #Lukashenka's Palace of Independence and chanting: "YOU ARE FIRED!" #Belarus #BelarusSolidarity #BelarusProtest #NewBelarusMarch https://t.co/UhQqRidRXk

— Belsat in English (@Belsat_Eng) August 23, 2020

/DRONI.al/