Djaloshi shqiptar Marash Kumbulla ka hipnotizuar me paraqitjet e tij në kampionatin Italian shumë klube të mëdha, ndër to janë Lazio dhe Inter që po përpiqen të sigurojnë shërbimet e mbrojtësit shqiptarë.
Karta që ka deri tani Lazio dhe kërkon të luaj fort është drejtori teknik Igli Tare i cili mundet të ndikojë të futbollisti kombëtares .
Kumbulla debutoi këtë sezon me Veronën, ai bëri paraqitje të shkëlqyera dhe ka shënuar në Seria A një gol kundër Sampdoria.
Interi ka arritur tashmë një marrëveshje me vetë mbrojtësin, i cili do të pranonte me kënaqësi transferimin në Milano, ndonëse nuk përjashtohet që në marrëveshje të vendoset lënia edhe një sezon tjetër te Verona në huazim.
Aktualisht mbrojtësi shqiptar është dëmtuar për një problem të vogël muskulor dhe e ka mbyllur sezonin, ndërsa palët nuk nxitojnë për të arritur marrëveshjen, pasi merkatoja pritet të hapet vetëm në fillim të muajit shtator.
