Shqipëria është mposhtur me një rezultat të papritur nga spanjollët duke dëshmuar se kanë humbur pak nga shkëlqimi i kampionatit evropian.
Spanjollët kanë shënuar ën harkun e dhjetë minuta dy gola dhe më pas kanë vijuar të qetë ndeshjen deri në fund por edhe pa u rrezikuar nga sulmuesit shqiptar.
Rezultati ka vënë në pikëpyetje të madhe kualifikimin e pretenduar nga skuadra jonë në Rusia 2018.
Ndërkaq në minutat e fundit tifozët kuq e zi kanë protestuar kundër një seleksionimi me stifozësh që ka krijuar FSHF lidhur me ndërtimin e një grupi tifozësh stabël që “menaxhohen” nga zyrat e federatës.
Spanja thellon rezultatin 2:0 për iberikët
Në minutën e 62 ka ardhur goli i dytë për spanjollët duke zënë të përgjumur mbrojtësit e kombëtares shqiptare. Një krosim tresh ka përfunduar në rrjetë duke thyer sërish mbrojtjen e kuqezinjve nga nje gjuajtje e Nolitos.
Thyhet Kombëtarja, Spanja shënon në pjesën e dytë
Ndëshkohet skuadra shqiptare. Diego Costa ka shënuar në minutën e 54 pas një sulmi që erdhi si pasojë e një gabimi të Berishës.
Vazhdon beteja mes sulmit spanjoll dhe mbrojtjes shqiptare. Dhjetë minutat e para të pjesës së dytë janë luajtur kryesisht para portës së Berishës duke nxjerrë jashtë loje në fakt mesfushën e skuadrës shqiptare e cila nuk po ia del të skanojë sulmin spanjoll që në zonën e vet të ruajtjes.
Pjesa e parë Shqipëri-Spanjë 0:0. Tetë minuta tërbim spanjoll në zonën shqiptare
Për gati tetë minuta me rradhë nga 38’ deri në 45’ spanjollët nuk i janë ndarë zonës së portës së kombëatrës shqiptare. Një betejë kokë për kokë, “trup me trup” dhe jo më “ne me gurë ata me mitraloz”, duke ia dalë të ndalin furinë spanjolle e cila tërbohet nga ngjyra e kuqe e mbrojtjes shqiptare.
Lenjani është dëmtuar duke carë një pjesë të veshit.
Pritje e mrekullueshme e Berishës, minuta 17’
Portieri i kombëtares shqiptare shpëtoi nga një gol pothuajse i sigurt skuadrën e tij.
Një krosim i shpejtë i spanjollëve përpara portës dhe më pas një gjuajtje e drejtëpërdrejtë tek porta konsiderohej gol i sigurtë.
Ka qenë instikti dhe mprehtësia e portierit tonë që shmangu topin duke u dhënë spanjollëve vetëm një goditje këndi.
