Pavarësisht se u regjistruan për të marrë pjesë në zgjedhje, 28 parti nuk do të mund të jenë pjesë e 18 qershorit pasi u ka kaluar afati i dorëzimit të kandidatëve.
Shumë prej partive të koalicionit të majtë tashmë do e kenë të pamundur regjistrimin dhe mes tyre janë emra që janë mbështetës të fortë të kryeministrit Edi Rama.
Partia Ligj dhe Drejtësi e Spartak Ngjelës nuk ka dorëzuar kandidatë në afatin ligjor. Një tjetër aleatët i fortë i Ramës që sërish është jashtë zgjedhjeve është partia e Petro Koçit. Po ashtu, pjesë e procesit zgjedhor nuk do të mund të jenë Partia Aleanca për Demokraci dhe Solidaritet e Gaqo Apostolit, partia e Marko Dajitit, Partia Fronti i Majtë, Partia Aleanca Demokristiane e Shqipërisë me kryetar Zef Bushatin dhe Partia Bashkimi Demokristian Shqiptar e Eduart Ndocajt, që ka dalë deputetë nga listat e PS por tani deklaron se nuk futet në zgjedhje pa PD-në, shkruan Shekulli.
Komisioni Qendror i Zgjedhjeve deklaroi dje se 17 parti politike kanë dorëzuar deri dje në limitin e afatit ligjor lista shumemërore të kandidatëve për deputet për zgjedhjet për Kuvend.
Në subjektet e paraqitura veçmas për garën e 18 qershorit janë renditur partitë e koalicionit qeveritar PS, LSI, PDIU dhe një seri partish të tjera më të vogla e të reja joparlamentare me një larmi profilesh politike.
KQZ deklaroi se ka nisur përpunimin e të dhënave dhe dokumenteve nga këto lista.
Ja 18 partitë që kanë braktisur PS
1. Aleanca e Maqedonasve, Edmond Themelko
2. Aleanca për Barazi e Drejtësi, Valentino Mustaka
3. Aleanca për Demokraci dhe Solidaritet, Gaqo Apostoli
4. Partia Ardhmëria Shqiptare, Emin Subashi
5. Partia Demokratike e Bashkimit Mysliman, Osman Mema
6. Partia e Gjelbër, Edlir Petani
7. Partia e Pajtimit Kombëtar, Spartak Dobi
8. Partia e Punës e Shqipërisë, Muharrem Xhafa
9. Partia e Reformave Demokratike, Skënder Halili
10. Partia e të Drejtave të Mohuara, Ilir Vata
11. Partia Forca Rinia, Dritan Broka 21
12. Partia G99, Ervin Mete
13. Partia Komuniste 8 Nëntori, Preng Çuni
14. Partia Lëvizja për Drejtësi, Astrit Kosturi
15. Partia Ligj dhe Drejtësi, Spartak Ngjela
16. Partia Personat me Aftësi të Kufizuar, Afrim Jeshili
17. Partia Shqiptare Atdheu, Kreshnik Osmani
18. Partia Socialiste e Vërtetë ’91, Petro Koçi
19. Partia Socialpunëtore, Ramadan Ndreka
Partitë e regjistruara në KQZ
1. Partia Komuniste e Shqipërisë
2. Sfida për Shqipërinë
3. Partia Minoriteti Etnik Grek për të Ardhmen
4. Partia Lista e Barabartë
5. Partia Uniteti Kombëtar,
6. Aleanca Popullore për Drejtësi
7. Partia Demokracia Sociale,
8. Partia Aleanca Demokratike
9. Partia Kristian Demokrate,
10. Lëvizja Socialiste për Integrim
11. Partia Aleanca Arbnore Kombëtare
12. Partia për Drejtuesi Integrim Unitet
13. Partia Social Demokrate
14. Partia Socialiste e Moderuar
15. Partia Socialiste
16. Fryma e re Demokratike
17. Partia Aleanca Demokristiane
Koalicioni “Aleanca për Shqipërinë Europiane”, për zgjedhjet Parlamentare të vitit 2013
