Ekspertët nga Universiteti Aalto në Finlandë kane informuar publikun nepermjet nje video për rreziqet e përhapjes së kësaj sëmundje vdekjeprurëse.
Videoja alarmante përcjell lajmin shqetësues që njerëzit mund të kalojnë infeksionin tek njëri-tjetri, edhe nëse janë gjashtë metra larg, dhe kryesisht kjo behet per te ndergjegjesuar ata qe jane duke blere ne supermarket.
Gjatë videos studiuesit shprehen:
“Rezultatet paraprake tregojnë se grimcat e aerosolit që mbartin virusin mund të qëndrojnë në ajër më gjatë sesa mendohej fillimisht, kështu që është e rëndësishme të shmangni hapësirat e mbyllura publike. Kjo gjithashtu zvogëlon rrezikun e infeksionit nga spërklat, e cila mbetet rruga kryesore e transmetimit të koronavirusit”.
“Nëse ju duhet të shkoni, atëherë shkoni sa më rrallë që të jetë e mundur. Dhe qëndroni atje sa më pak të jetë e mundur”, tha për BBC profesori Ville Vuorinen nga Universiteti Aalto në Finlandë.
/DRONI.al/
