Te pakten 29 persona kanë humbur jetën nga koronavirusi në Itali, ndërsa në total janë infektuar 1,128. Perqindja e vdekjeve perkundrejt numrit te personave te infektuar vijon te mbetet e larte.
Ndërkohë, 50 persona që ishin prekur janë përmirësuar, ndërsa 105 të tjerë ndodhen në gjendje kritike.
Organizata Botërore e Shëndetësisë ka bërë të ditur se niveli i kërcënimit të virusit është shumë i lartë.
Koronavirusi qarkullon në 4 kontinente, ndërsa numri i viktimave dhe të infektuarve vijon të rritet. Në rang botëror numri i të vdekurve ka shkuar në 2941, ndërsa më shumë se 83 mijë janë infektuar.
Në këto kushte, qendrat për kontrollin dhe parandalimin e sëmundjeve kanë miratuar udhëzime të reja të testimit për punonjësit e kujdesit shëndetësor.
