Ambasadori i Shteteve të Bashkuara të Amerikës, Donald Lu ka qenë prezent në aktivitetin “Aktivizmi Rinor Kundër Korrupsionit”, të organizuar nga nxënësit e shkollave të mesme të Shkodrës, Kukësit, Elbasanit, Beratit, Vlorës, Lezhës, Gjirokastrës dhe Tiranës.
Gjatë fjalimit të mbajtur ai shprehet se politikanët, zyrtarët e qeverisë, gjykatësit dhe prokurorët e korruptuar kanë filluar që të kenë frikë nga të të rinjtë.
“Kohët po ndryshojnë. Politikanët, zyrtarët e qeverisë, gjykatësit dhe prokurorët e korruptuar kanë frikë. A e dini se nga kush kanë frikë? Ata kanë frikë nga ju!” deklaroi diplomati i SHBA.
Ky aktivitet është pjesë e projektit të edukimit qytetar mbështetur nga Ambasada e SHBA dhe e implementuar nga Instituti për Demokraci dhe Ndërmjetësim.
Donald Lu: Korrupsioni ka frikë prej jush
