Një shqiptar qëlloi me armë zjarri një bashkatdhetarin e tij në shtetinj fqinj në Itali. Ngjarja ndodhi natën e së hënës në Frosinone përpara një lokali, në këtë qytet.
“Ilmessaggero” shkruan se shqiptarët patën një grindje të dhunshme midis tyre. Më pas një 37-vjeçar u largua për një kohë të shkurtër dhe u rikthye me një armë.
Në momentin që 27-vjeçari po hynte në makinë, ai e qëlloi me pistoletë në kokë, duke e lënë të plagosur, por në gjendje të rëndë.
Të dy shqiptarët janë banues në Frosinone dhe të dy posedojnë një leje qëndrimi në territorin italian.
Burri i plagosur u transferua në Poliklinikën “Umberto I” në Romë, ku iu nënshtrua një operacioni kirurgjikal, i cili i ka bërë të mundur nxjerrjen e plumbit nga kafka. Aktualisht gjendja e tij shëndetësore nuk dihet.
Vetë 37-vjeçari është paraqitur vullnetarisht në komisariat. Pistoleta me të cilën qëlloi 27-vjeçarin, ishte e vjedhur më 8 dhjetor në Ceccano.
