Ilir Meta është rikonfirmuar fitues i zgjedhjeve për kreun e LSI-së.
Komisioni Qendror i Zgjedhjeve në LSI, ka shpallur rezultatet pas zgjedhjeve të djeshme, “një anëtar një votë”.
Sipas këtyre rezultateve, mësohet se Ilir Meta ka marrë 76 për qind të votave.
Ndërkohë, mësohet se gara më ‘e fortë” ka qenë mes dy kandidatëve humbës, të cilët kanë pasur një diferencë midis tyre, prej vetëm 0.2 për qind të votave.
Kështu Përparim Spahiu mori 12.1 për qind të votave, ndërsa Shezai Rroka, mori 11.9 për qind të votave.
Bazuar në procesverbalet e mbylljes së votimit, të dorëzuara pranë komisioneve zonale të qarqeve, rezultoi se nga 50267 anëtar të Lëvizjes Socialiste për Integrim, të regjistruar në listat zgjedhore, morën pjesë në votim 42370 anëtarë ose 84.29 për qind.
