Kamioni del nga rruga në Burrel-Milot, shoferi hidhet nga mjeti

Ngjarja ka ndodhur në urën e liqenit të Ulzës. Mësohet se shkak i aksidentit është bërë një parakalim i gabuar. Një automjet me targa zviceriane ka parakaluar mjetin e tonazhit të lartë, duke bërë që ky i fundit të dalë nga rruga.

Sakaq, në momentin e përplasjes shoferi i trajlerit është hedhur nga mjeti dhe ka marrë vetëm disa dëmtime të lehta.

Policia në vendngjarje vijon hetimet për zbardhjen e plotë të shkaqeve të aksidentit.