Në Zelandën e Re, ka ndërruar jetë në moshën 90 vjeçare, veprimtari i çështjes kombëtare Masar Krasniqi.
Krasniqi gjatë kohës së luftës në Kosovë dhe pas përfundimit të luftës, Krasniqi mundësoi shkuarjen e kosovarëve në Zelandë të Re, me ç’rast personalisht u kujdes për ta.
Ai ia kushtoi jetën çështjes kombëtare dhe për pasojë nuk pasi mundësi të kthehej në Kosovë deri pas përfundimit të luftës.
Në vitin 1950, në moshën 19 vjeçare Masar Krasniqi, emigroi nga Kosova drejt Zelandës së Re, me të vetmin qëllim që në çdo kohë t’i shërbejë çështjes kombëtare.
Përpos që i ndihmoi shumë Kosovës, Krasniqi u bë një nga njerëzit më me ndikim edhe në shtetin ku jeton.
Më 30 mars 1979 ai së bashku me një grup myslimanësh vendosën gurthemelin e një xhamie në Zelandë të Re.
Anëtarët e Komitetit të Xhamisë që përpos Krasniqit ishin edhe Hajji Abdul Rahim Rasheed, Said Alvi, Mohammed Yakub Patel dhe Hajji Mohammed Hussein Sahib – atë kohë lanë në hipotekë shtëpitë e tyre si garanci për ndërtuesin e këtij objekti fetar.
Kontributi i tij i madh bëri që ai të jetë edhe njëri ndër anëtarët e lobit Shqiptaro-Amerikan dhe njëkohësisht njeriu më i afërti i senatorit Bob Dole, dhe ish kongresistit arberesh Joseph J. DioGuardi, Kryetar i Liges Qytetare Shqiptare Amerikane.
Ai gjatë veprimtarisë së tij takoi personalitete të njohura botërore si Dalai Lama, Nënë Tereza, Bill Clinton dhe Ibrahim Rugova. Madje, për shërbim ndaj komunitetit ai u dekorua me medalje nga shkëlqesia e saj Mbretëresha Elizabeta II.
Mazhar Shukri Krasniqi (lindur më 1931), ishte një udhëheqës i komunitetit mysliman të Zelandës së Re me origjinë shqiptare, ate të Kosovës. Ai ishte presidenti i parë i Federatës së Shoqatave Islame të Zelandës së Re (FIANZ) në 1979 dhe një aktivist për të drejtat e njeriut. Umm Sahl është Vajza e tij.
Ai vdiq në 8 gusht 2019.
